MARIA SS. ADDOLORATA

Ogni quindici Settembri
na stu puostu sempri amatu
nni junciemu tutti pari
pi putilla festeggiari

cu la musica e li canti
cu li juochi d'artificiu
cu lu mari sempri bblu'
na stu muolu ri Cefalù.

Matri Santa Addulurata
ca ti trovi na stu luocu
prutieggi sempri tutti pari
quannu jamu pi lu mari

tu canusci ogni cuori
ri sta ggenti chi fatica
scanza tutti ri malanni
sia nichi sia ranni

runa fuorza e curaggiu
p'affruntari ogni prova
runa tuttu lu to' amuri
e la paci ru SIGNURI.

Pi li srati di lu mari
vaju e vegnu tuttu l'annu
pi turnari sempri a casa
jo' a tia m'arraccumannu.

Na' li vrazza te ri Matri
m'abbannunu comu figghiu
bbedda Matri da marina
a tia rricurru sira e matina.

Franco  Catalano