Scampatu a la morti

duranti 'na timpesta
nall'annu milleccientu
e pocu cchiu'
lu granni rre Rruggeru
apprudo' a cefalu'
unni cu fidi in segnu
di rringrazziamentu
iso' a Gesù Sarvaturi
un granni monumentu.

Na sta Cattedrali
consacrata a Maria
matri di l'umanita'
cc'e' Gesù Sarvaturi
figghiu tu Patri Ranni
Cristu Rredenturi
Rre Rruggeru nnamuratu
di Cefalu' fici testamentu
pi ddormiri l'eternu sonnu
intra stu monumentu.

Sfrattatu ri stu puostu
tantu amatu
u misiru a Palermu
a rripusari
spirannu quantu prima
di putillu arricampari
Contru la so' vulunta'
intra nautra sipultura
viri li tempu scurriri
ura ddoppu ura.

Si parra e si riscurri
e nienti quagghia
mentri l'anima so'
soffri lu martiriu
RI quannu niatu cci fu'
l'ultimu ddesideriu
e lu granni Rruggeru
nun dormi 'mpaci
picchi di rripurtarlu a Cefalu'
nun semu capaci.

Franco Catalano