San Leonardo, Uomu assai amurusu

Uomu assai amurusu
chiamatu ri tutti Nadinu
jera di animu gginirusu
e figghiu di Franchinu

Amicu ri chiddi dispirati
Frati ri tutti i ggenti
Patri ri chiddi abbannunati
sparsi na tutti i cuntinienti

cuntaggiatu di l'amuri
pi chiddi scurdati
li circava a tutti l'uri
ggirannu srati srati

e cu Amuri e vulunta'
arricampo' ri pieri pieri
sti nnuccienti d'ogni eta'
pi 'nzignaricci un mistieri

a lieggiri e a scriviri
a tutti quanti l'orfanelli
pi nun li fari cchiu' patiri
no cullieggiu Artiggianelli.

Di Ggiuseppi imitaturi
comu Amicu Frati e Patri
o cuspettu ru SIGNURI
intercedi pi nuatri.

Matri Santa Immaculata
di Leonardu assai amata
intercedi pi Ggiuseppini
e pi un munnu senza cunfini.

F.Catalano
Cefalù, 5-2019