San Giuseppe

San Giuseppi (10)

Uomu bbuonu e ubbidienti

S. Giusippuzzu Patri Santu
tu ascutasti all'onniputenti
senza timuri e senza scantu
facennu tuttu cu granni amuri
pi la Vergini Matri e pu Signuri

intercedi pu munnu sanu
lieva l'odiu e u rrancuri
puru du cuori di l'umanu
ca scanusciri fa' l'amuri
e amanti ru putiri e ddi rinari
lu munnu sanu vo' cumannari

'nzignini a tutti a ascutari
pi fari ru Patri la so' vulunta'
la so parola 'n cuori meditari
pi viviri filici cu amuri e carita'
tu....ca si Patri ri tutti i ggenti
fanni rrispittusi e ubbidienti

S. Giusippuzzu nun tardari
vieni cu tuttu lu to' amuri
vieni priestu a 'nzignari
comu ascutari lu Signuri
pi putiriti prestu imitari
e na' vita mai cchiu' piccari.

Franco Catalano

Seguici su

Seguici sui Social

© 2019 Murialdo Sicilia. All Rights Reserved.Development by G.M. e C.A.B.

Search