San Giuseppe

San Giuseppe (11)

S. GIUSEPPE - " 11 "

Uomu umili uomu Santu

comu a tia nun cci nne cchiu'
fusti chini di Spiritu Santu
p'amari Maria e puru Gesu'
mai discussi mai lamenti
l'adurasti cu cori e ca menti

la to vucca mai parrava
stavi sempri a pinzari
mentri u cori meditava
sempri 'ntentu a travagghiari
comu maritu primurusu
e comu Patri assai amurusu

puru quannu a pochi anni
sulu si misi a priricari
a paruola ru Patri Ranni
all'anziani a iddu cari
tu....ca ascutavi 'ntinirutu
tinni stavi musciu e mutu

'nzignini a tutti a meditari
'nzignini a tutti l'umilta'
picchi senza cuntistari
vivemu cu amuri a S. verita'
tu Patri Santu ca to' forti luci
'nzignini a purtari a S. cruci.

Franco Catalano

Seguici su

Seguici sui Social

© 2019 Murialdo Sicilia. All Rights Reserved.Development by G.M. e C.A.B.

Search