S. Giuseppi tuttu amuri

ra famigghia murialdina
tu si u Santu protetturi
notti jornu sira e matina
e comu un faru chi fa' luci
na' ggiusta srata li cunnuci

guidali sempri nun ti stancari
tu ca firi cci nn'hai tanta
'nzignini a tutti a prijari
e a purtari la Cruci Santa
pi fari 'nzemi lu caminu
finu a la casa ru Ddivinu.

Tu ca canusci ogni cuori
ri tutti li frati giuseppini
accumpagnili cu to amuri
ne muntati e nne pinnini
e intercedi pi tutti nuatri
cu lu Figghiu e cu lu Patri

pi canciari cori e menti
e 'mpaci viviri no munnu
pi tutti quanti li nnuccenti
sparpagghiati comu sunnu
ma ri mia nun ti scurdari
quannu e' ura r'acchianari.

Franco Catalano