Na to casa senza parrari
ti nni stavi sularina

tutta 'niente a rricamari
assittata na cucina
mentri l'anima cantava
na dda Paci chi rrignava.

E la vuci ri l'Arcancilu
rrisuno' forti e putenti
pi fariti r'ogni populu
rriggina ri li ggenti
e purtariti pi nuatri
u messaggiu di lu Patri.

AVE O MARIA
CHINA RI GRAZIA
U SIGNURI D' CU TIA

Lu to cuori si turbo'
picchi ancuora non sapievi
puoi l'ancilu parro'
e cu l'anima currievi.

SUGNU A SIEBBA
RU SIGNURI
OGNI GGH'JORNU
A TUTTI L'URI.

E lu Spiritu Ddivinu
mannatu di lu Patri
concepi' lu Bbamminu
pa sarvizza ri nuatri
e chiamari tutti i ggenti
ri ogni cuntinienti.

Cu l'amuri ri 'na matri
purtasti 'nsenu lu SIGNURI
sutta u mantu ri lu Patri
ogni ggh'jornu a tutti l'uri
pi sabbari l'umanita'
pi Amuri e pi pietà.

Matri Santa Mmaculata
na lu munnu tantu amata
in silenziu suffristi
tuttu chiddu ca viristi
pa sarvizza di l'arma mia
jo' rricurru sempri a tia.