Tri su li Pirsuni

di l'Onniputenti
e tri li rre vinuti
di l'orienti
tri i rriali ca cci
purtaru
e tri li chiova ca
lu 'nchiuvaru.
'Ncarnatu pi vulunta'
ru Patri
patiu' pa sarvizza
ri nuatri
suffriennu ogni ggh'jornu
cu Amuri
pu populu elettu e pu
so trarituri.

Priricava Amuri Paci
e Fratellanza
ma non cci riettiru
'mpurtanza
E timiennu ri pierdiri
u putiri
u so populu elettu
u cunnanno a muriri
mittiennu un latruni
in libberta'
e a mmuorti u Patri
di l'umanita'
e ddoppu avillu assai
martoriatu
senza rrispettu 'ncruci
fu 'nchiuvatu.

Privu di lì so fuorzi
prima di spirari
prijo' lu Patri Ranni
pi tutti pirdunari
Caru frati c'ascuti
cu dduluri
apri lu to cuori
a lu SIGNURI
vivi la vita cu Firi
Spiranza e Carita'
pi viviri bbiatu
pi l'eternità
Faciennu ogni cuosa
cu Amuri
filici fai li frati
e lu to criaturi.

Franco Catalano