U PRESEPI

Ogni annu pi NATALI
na' li casi cristiani
'nzemi all'abbiru addubbatu
lu presepi veni cunzatu
pi rricurdari ddu mumentu
cu Amuri e sintimentu.

CU lu lippu di lì petri
si rricrea ddu rriunu
cu pastura e picureddi
lavannara chi lanceddi
tanti vecchi e nutrichi
e misteri assai antichi.

Cci su ponti chi su cciumi
tanti munti e chianuri
cc'e la staffa tantu amata
cu lu voi e l'asineddu
c'ospito' lu bbammineddu

'mmenzu un nicu pannizzeddu
cu la pagghia pi capizzu
aggiuccatu na' manciatura
cc'e la Santa Criatura
cu Giuseppi e cu Maria
e i rremaggi pi la via

cc'e la stidda cu la cura
cu tanti ancili cantanti
e 'na musica Ddivina
ca la menti ti trascina
no passatu cu primura
p'adurari dda criatura.

A la vista ri sta scena
la to menti si sdivaca
e rrivivi ddi mumenti
comu fussi dda presenti
mentri u cori batti p'amuri
pi lu Ddivinu Rredenturi.

Franco Catalano