Patri Santu Onniputenti
criaturi ri tutti i ggenti

st'annu tu na' pirdunari
si nun putemu fistiggiari
a to figghiu Sabbaturi
nosru Santu Protetturi

e si la facci e' rrisulenti
lu cori nun'e' cuntenti
lu paisi e' allicchittatu
ri tanti luci illuminatu
ma senza bbancarelli
di turruna e caramelli

senza 'ntinna a mmari
granni tradizzioni seculari
senza nudda processioni
d'amuri e ddivozzioni
pi curpa r'un mali putenti
ca 'mpisto' i cuntinenti

Ma u paisanu nnamuratu
ri stu figghiu tantu amatu
va intra a casa ri Maria
e preja a iddu e puru a tia
di libbirari u munnu sanu
ri stu mali putenti e sranu

e senza fari scusciu e vuci
s'abbrazza la Santa Cruci
p'affruntari u so distinu
e 'nzemi a tia fari lu caminu
cantannu ci Firi e Amuri
VIVA PI SEMPRI
GESU' SABBATURI.

Franco Catalano
Cefalù 3/08/2020