ggirannu pi li so cuntrati
viriti tanta ggenti chi fatica
signata di lu tempu e ru duluri
p'aviri faticatu cu sururi

pi curpa ri cocc'unu ru passatu
lu munnu nni talia cu timuri
crirennu na stu puostu ri truvari
ggenti c'ammazza pi pochi dinari.

Ggenti ca usa violenza pi peciri
cu lu fucili prontu pi sparari
nun stati cu lu cori na 'na 'ngnuni
cca cc'e' ggenti onesta e nno liuni

Li mafiusi su 'ntuttu li munnu
comu puru l'onesti cittadini
cca cc'e' ggenti semplici ospitali
no comu si leggi ne ggiornali

Cu nasci 'na sta terra
cca vuoli muriri
e cu cci vieni
nun vuoli cchiu' partiri.

Franco Catalano