Quannu m'arricampai di luntanu

a tutti jo' era scanusciutu
e ggirannu pi li munti e pi lu chianu
mi fici cocchi amicu assai lingutu
mi sparra pi tutta quanta la jurnata
senza rrispettu pi l'amicizia rata

e ccercu cu pacenzia ri truvari
ggenti nova schetta o maritata
pi 'nzemi a Iddi putiri passari
magari 'na sula santa simanata
pirdunatimi siddu sugnu pisanti
ma puru vuatri siti srafuttienti.

Quannu jo' srinciu un'alleanza
nun la vulissi cchiu' lassari
ma nun mi rati cunfirienza
e sturiati pi farimi scappari
e viriennu u cuttu e malapparatu
scappu pi fuora a pigghiari ciatu

e satannu a dritta e a manca
curru ri punta a punta ru paisi
e quannu sta cursa mi stanca
m'aggiuccu pi dui o tri misi
v'attaccu sritti cu la me catina
e 'nzemi passamu a quarantina

nun amu stari sempri a na bbanna
lu munnu sanu vogghiu furriari
ma siddu viru unu ca mi cunnanna
ricanusciu ch'eni ura ri scappari
pirdunatimi pi tanti morti siminati
Nun'e' curpa mia ma di li vosri frati.

Franco Catalano