Comu 'na quercia pussenti
ti nni stavi supra i munti

passannu li jurnati
cu l'amici to' fidati

puoi all'improvvisu
si ggilo' lu to' visu
un vientu gelidu
vinutu ri jautu

misi a nnuru li to' rrami
e pruvasti tanta fami
fami r'amuri
pi Nosru Signuri.

Spugghiatu r'ogni bbeni
abbrazzasti guai e peni
lassannu la casa amata
pi la patria bbiata.

Amanti di la natura
cci parravi a ogni ura
amannula cu curaggiu
comu cumpagna ri viaggiu

l'aceddi ddivinuti mansueti
pi tia nun avievinu segreti
mentri li lupi affamati
jerinu comu li to' frati.

Li sofferenzi ca purtavi
in silenziu li vivievi
e li piaghi na' li carni
ti ficiru prestu granni

granni all'uocchi ri ggienti
mentri campavi senza nienti
viviennu cu AMURI
A passioni ri Nosru SIGNURI

e jornu ddoppu jornu
annu ddoppu annu
criasti l'ordini ri franciscani
pi fari tanti ggenti Cristiani.

Dda quercia assiccumata
misi assai rrarici na' vallata
e turno' forti e pussenti
pi rristorari tanti ggenti.