'Nziemi a tutti li me cari
pi chistu annu novu

all'amici me cchiu' cari
l'auguri vuliemu fari

li faciemu a tutti quanti
e vicini e a li luntani
picchi e' fiesta ri famigghia
senza fari lassa e pigghia.

A la ggienti chi fatica
pi la scuoccia e la muddica
a ggienti c'un fa' nienti
e maisri e sturienti

a chiddi ca su suli
è un sannu 'nzoccu fari
e duttura a l'avvocati
ca su siempri 'nchiffarati

Auguri e sparrittieri
e putiara e varbieri
e maritati e fujuti
a chiddi surdi e a chiddi muti

Auguri a tutti i nanni
e matri e patri
e nnuccienti
Auguri a tutti i ggienti.

Si mi scuordu ri coccunu
vi li fazzu a unu a unu
Auguri a volontà
ri Paci Amuri E Serenità