San Giuseppe

In Versi Siciliani - San Giuseppe (8)

Tu ca fusti puru migranti

pi sarvari a famigghia tia'
aiuta tutti quanti i ggenti
pi falli viviri in libberta'
pruteggili duranti u caminu
e ddunicci un bbuonu distinu

spinti ra fami e dda guerra
vannu 'ncerca d'avventura
viaggiannu pi mmari e pi terra
pi scurdari vai peni e ddulura
spirannu ri putiri travagghiari
e la famigghia prestu sfamari

sunnu di tanti rrazzi e culura
ma tu....nun li cunnannari
e si coccunu e' scarsu r'amuri
tu.....'nzignini a pirdunari
lu Patri ama tutti li pirsuni
sia ca su pecuri....o liuni

a iddi 'nzigna lu rrispettu
pi la liggi e pu li ggenti
picchi' hannu spisa e tettu
senza ca cci custa nienti
ma comu figghi ru Ddivinu
tu pruteggili sira e matinu .

Franco Catalano

Seguici su

Seguici sui Social

Questo sito non è una testata giornalistica, viene aggiornato senza periodicità definita. Non può considerarsi un prodotto editoriale ai sensi della legge n. 62 del 7.03.2001 e delle legge L. 47/1948.
© 2019 Murialdo Sicilia. All Rights Reserved.Development by G.M. e C.A.B.

Search