U Carnalivari

Sulu 'na vuota l'annu
si festeggia u carnalivari
e ddi jorna tutti sannu
ca ogni scherzu vali

a ggenti nun s'affienni
si cci fai 'na bbabbiata
e cu 'na rrisata granni
accietta a to bbravata.

Cu vistita culurati
e li facci assai tinciuti
ti passijnu stati srati
tisi tisi stannu muti

mentri li nnuccenti
e tutti i picciriddi
filici e assai cuntenti
satinu comu ariddi.

Corianduli e stellifilanti
tutti quanti culurati
vuolinu supra i ggenti
na' li srati affuddati.

E passati puoi ddi jurnati
chini di gioia e felicita'
senza li maschiri culurati
si rritorna a viviri a rrealta'.

Ma tanta ggenti
chistu nun lu sapi fari
siempri fa' u srafuttenti
e tuttu l'annu u carnalivari.

Franco Catalano