San FRANCISCU

Comu 'na quercia pussenti
ti nni stavi supra i munti
passannu li jurnati
cu l'amici to firati
puoi all'improvvisu
si ggilo' lu to visu
e un ventu gelidu
vinutu ri jautu
misi a nnuru li to rrami
e pruvasti tanta fami
fami r'amuri
pi nosru Signuri.
Spugghiatu r'ogni bbeni
abbrazzasti guai e peni
lassannu la casa amata
pi la patria bbiata
amanti di la natura
cci parravi a ogni ura
amannula cu curaggiu
comu cumpagna vi viaggiu.
L'aceddi ddivinuti mansueti
pi tia nun avievinu segreti
mentri li lupi affamati
jerinu comu li to frati.
Li sofferenzi ca purtavi
in silenziu li vivievi
e li piaghi na' li carni
ti ficiru prestu granni
granni all'uocchi ri ggenti
mentri campavi senza nienti
viviennu cu amuri
a passioni di Nosru Signuri.
E jornu ddoppu jornu
annu ddoppu annu
criasti l'ordini ri franciscani
pi fari tanti ggenti cristiani.
Dda quercia assiccumata
misi assai rrarici nna vallata
e turno' forti e pussenti
pi rristurari tanti ggenti.

Franco Catalano