Curaggiu amici ca liggiti

a vita e' bbella jamu avanti
o novu annu lu cuori rapiti
e c'amuri vivemu tutti quanti
jamu avanti senza firmari
lu tempu nn'ajuta a scurdari
sta tinta annata gia' passata
ca tanti ggenti a vurricatu
ra nosra menti va' cancellata
pi lu duluri o munnu ratu
troppi su li morti nnuccenti
pi curpa di certa ggenti.
Isamu li calici e truzzamu
cu l'animu filici e cuntenti
sicuri ca prestu lu vincemu
stu bbruttu mali priputenti
truzzamu cu parenti e amici
bbrindamu cu l'animu filici
a passu sicuru jamu avanti
a vita è curta nun va' sprecata
giramuni sempri versu livanti
nautra jurnata è già addumata
la vita ca nasci crisci e muori
rriporta l'amuri a ogni cuori.
Ora a tutti vuogghiu augurari
un'annu ri paci amuri e serenità
un puostu unni travagghiari
pi rriscattari l'onuri e a ddignità
e ddi viviri no munnu comu frati
e mai cchiu'.....essiri schiavizzati.

Franco Catalano