Notizie

In Versi Siciliani - Alleluja Alleluja

ALLELUJA ALLELUJA

Patri Santu Bbinirittu

la turmenta e' gia' passata

lu diavulu fu' scunfittu

la sarvizza e' arrivata

lu Figghiu ca jera mortu

e' rritruvatu e' rrisortu.

E' natu lu Santu jornu

vinciu' contru la morti

'na luci addumo' lu munnu

e no cielu rapiu' li porti

e tu filici e cuntenti

fai festa cu li ggenti.

Chiamati tutti i cristiani

la tavula e' gia' cunzata

sunati tutti li campani

la festa e' cuminciata

viniti a lavari li piccati

curriti tutti siti 'nvitati.

Lu Cristu suffriu' pi nuatri

e pi tutti l'essiri viventi

p'amuri r'iddu e ddi lu Patri

cantamu cu l'ancili cuntenti

Osanna a lu Rredenturi

Osanna a Cristu Signuri.

Ca pi vulunta' ru Patri

si 'ncarno' no senu ri Maria

e p'amuri ri tutti nuatri

iddu fu' Vita Virita' e Via

Alleluja a Gesu' Sabbaturi

e Ddiu Patri tuttu amuri.

 

Franco Catalano

Seguici su

Seguici sui Social

© 2019 Murialdo Sicilia. All Rights Reserved.Development by G.M. e C.A.B.

Search