Domenica 11 luglio 2021 alle ore 18 nella Basilica Cattedrale di Cefalù, Celebrazione Eucaristica presieduta da S.E.R. Mons. Giuseppe Marciante nel giorno del XII Anniversario della Sua Ordinazione Episcopale.

Chi rrialu nni facisti
Patri Ranni
scigghiennu pi dimora
u me paisi
unni abbitari
cu la famigghia to'.

La Vergini Maria
patruna ra citta'
ri tutti i piccatura
je' u mantu ra carita'.

Lu figghiu Rredenturi
Pasturi ri l'Apuostuli
Cristu Pantocraturi
nni pruteggi e bbinirici
a tutti l'uri.

Ri certu
nun po' mancari
l'amuri tio' ri Patri
du Spiritu Ddivinu
e chiddu di la Matri.

U voltu di lu Figghiu
prisenti no catinu
runa curaggiu e paci
a ogni paladinu.

Cu l'uocchi 'ntiniruti
ca parrinu r'amuri
scruta menti e cori
Patri Sarvaturi.

Ora Patri Onniputenti
puru lu Viscuvu Pasturi
Mons. MARCIANTI.
Grazzij pi tantu amuri.

Cu la so' granni umanita'
e la facciuzza rrisulenti
duna Firi Spiranza e Carita'
e nnamura tutti i ggenti.

Bbinirici Patri stu Pasturi
rrenni chiana la so srata
e pirduna lu cuori piccaturi
surdu a la to' chiamata.

Franco Catalano

La poesia è stata consegnata lo scorso 28 maggio 2019 dallo stesso autore a mons. Giuseppe Marciante.