... che sia di buon auspicio per il mantenimento del punto nascite

presso l'Ospedale Giglio di Cefalù.

A Partorienti

O latu a mia' assittata
'na matrì 'n gravidanza
mi rici: sugnu preoccupata
pi stu nutricu cc'haju 'mpanza
nun sacciu com'è ca fari
quannu è ura r'accattari

La menti già mi fumia
r'unnè cc'haju a pigghiari
qual'è a giusta via
sicura p'arrivari ?
L'anima mia è in turmentu
si pienzu a ddu mumientu.

Cu spitali cchiu' ddistanti
u periculu aumienta
e a nuatri partorienti
sta ristanza ni spavienta
siddu ammutta cu primura
sunnu vai su ddulura

e vulissi addumannari
a sti pirsuni 'ntelliggenti
siddu je' ggiustu ri jucari
ca vita ri nnuccienti
arrubbannu a serenità
e fimmini 'n maternità

jo' nun vuogghiu accattari
fra 'na scaffa e 'na frinata
nun'e' ggiustu siminari
i figghi srata srata
ma sirena e rrilassata
ri dduttura atturniata.

Nun la puozzu cuntrariari
su mmumienti assai 'mpurtanti
iddi vuonnu rrisparmiari
e si nni futtinu ra ggienti
jucannu ca vita di li matri
ru nutricu e di li patri.

A cuosa cchiu' bbella ru munnu
e' ddari vita a 'na criatura
e cchissi ca jannu u cumannu
simininu turmenti e ddulura
ne cuori ri partorienti
famigghiari e parienti.

E' ggenti senza cuscienza
ggenti senza rrussuri
ca pi gghinchisi a panza
nni lassinu riuni e nnuri
tantu i figghi ri ggenti
a iddi un cci viennu nienti.