Senza fari nuddu ddannu

vinni ‘nterra lu Signuri
pi sabbari tuttu u munnu
cu pacenzia e tantu amuri

crisciennu in serenità
cu Giuseppi e la matri amata
viviennu sempri in povertà
ura dduppu ura ogni S. jurnata.

Scurri lu tempu passinu l’anni
e li forzi vannu a mmancari
mentri u figghiu si fa granni
e a parola cumincia a spiegari

intra lu tempiu all’anziani
spiegava la Sacra scrittura
e iddi ca jerinu cristiani
l’apprinnievinu cu primura.

Maria ri tuttu quantu sapitura
no cori ogni cosa si sabbava
e puru Giuseppi ura ddoppu ura
stava mutu e tuttu meditava.

L’amuri pi lu figghiu Ddivinu
ura ddoppu ura cci crisceva
lu so cori era chinu chinu
e in silenziu l’adurava. 

Franco Catalano