Passinu li misi passinu l’anni

scurri lu tempu lentamenti
e superannu peni e affanni
crisci e si fortifica u nnuccenti

Giuseppi uomu ggiustu
maritu ddivotu e primurusu
e travagghiaturi onestu
e’ patri assai amurusu.

Passati cincu o sei anni
appena Erodi cissò u rrespiru
pi vuluntà ru Patri ranni
ni Giuseppi jù un messageru

“lu periculu è passatu
uora tu ta ‘ncamminari
cu Maria e u figgi amatu
a Betlem po rriturnari “

Ma lu figghiu du rre assassinu
pigghiatu ‘n mmanu lu putiri
tutti i ggenti a iddu vicinu
li faceva assai suffriri

ma Giuseppi p’aviri serenità
a Nazaret jù a pusari
pi viviri in tranquillità
e pa famigghia faticari. 

Franco Catalano