San Giuseppe -1- (19 gennaio 2021)

Quannu u munnu fu' criatu
di lu Patri Onniputenti
all'umanu fu' affiratu
p'abbitaricci cuntenti
ma l'amuri pi lu putiri
lu purto' prestu a trariri
e cu passari ri tant'anni
iddu... ddivinto' priputenti
siminannu vai e ddanni
facennu sempri u srafuttenti
di lu so criaturi si scurdava
e tutti li ggenti schiavizzava
Puoi lu Patri tuttu amuri
cu l'ancilu 'nzuonnu ti parro'
pi fari u Patri ru Signuri
e l'antica profezzia savvero'
e pi vulunta' ru Ddivinu
facisti u Patri ru Bbamminu
puoi cu firi e tantu amuri
la vergini Maria ti maritasti
ri Patri facisti a Nosru Signuri
e cu affettu e amuri lu criscisti
sempri attentu e primurusu
cu lu to fari assai amurusu.
Franco Catalano