Giuseppi uomu assai amurusu

patri ri ggiusti e ddi piccatura
ora ca siti bbiatu ‘n pararisu
prijati pu munnu e pa natura

S. Giuseppi ggiustu e Santu
ca ‘n mmanu tiniti u vastuni
e siti chinu ri Spiritu Santu
prijati pi tutti li pirsuni

pi canciari cori e mmenti
e viviri ‘mpaci na stu munnu
e pi tutti quanti i ggenti
nichi e granni comu sunnu

prijati sempri u Patri Ranni
pi tutti quanti pirdunari
pi scanzarini i malanni
e ‘nzignarini a prijari

cu lu focu ru to amuri
intercedi pi tutti nuatri
o cuspettu ru Signuri
di la Matri e ddi lu Patri

preja pi tutti lu Signuri
e ddi mia nun ti scurdari
accumpagnini cu to amuri
quannu è ura r’acchianari.

Franco Catalano