San Giuseppe

In Versi Siciliani - San Giuseppe (4)

S. GIUSEPPE " 4 "
S. Giuseppi Patri Santu

ra S. chiesa protetturi
tu ca amuri nn'hai tantu
pi Maria e pu Signuri
pruteggi tutti li prelati
o Patri Ranni cunsacrati
scanza a chiesa ri malanni
ca e' casa du Rredenturi
p'intercediri cu Patri Ranni
tutti i jorna a tutti l'uri
e chiamari assai ggenti
sparsi in tutti i cuntinenti.
Tutti i chiesi munnu munnu
arricampinu i cristiani
rricchi e poviri comu sunnu
pi sazziari a iddi a fami
fami di paci e dd'amuri
fami pi nosru Signuri
nun dari o munnu stu duluri
penza chiddu ca patiu' la Matri
a chiesa e' casa ru Signuri
mortu 'ncruci pi nuatri
sempri viva tieni a so' fiamma
p'amuri ru figghiu e ra mamma.

Franco Catalano

Seguici su

Seguici sui Social

© 2019 Murialdo Sicilia. All Rights Reserved.Development by G.M. e C.A.B.

Search