San Giuseppe

In Versi siciliani - San Giuseppe (5)

S. Giuseppi Patri Santu

uomu giustu e primurusu
lu tempu scurreva lentu
e cu to fari assai amurusu
a la matri e o nnuccenti
nun facisti mancari nienti.
Tu ca fusti maritu e Patri
di Maria e ddu Rredenturi
intercedi pi tutti nuatri
notti e ggh'jornu a tutti l'uri
p'aviri paci amuri e serenita'
puru duranti li ddifficulta'
preja sempri pi tutti li matri
e pi tutti li so nnuccenti
preja puru pi tutti li patri
sparsi 'n tutti li cuntinenti
d'ogni rrazza lingua e culuri
tu ca sini u nosru protetturi
Quannu 'n casa rregna la paci
fruttu r'amuri e ddi rrispettu
abbunninu carizzi e baci
e forti bbatti lu cori 'mpettu
l'amuri pa famigghia e' sacrosantu
e tu lu vivisti puru Patri Santu

Franco Catalano

Seguici su

Seguici sui Social

Questo sito non è una testata giornalistica, viene aggiornato senza periodicità definita. Non può considerarsi un prodotto editoriale ai sensi della legge n. 62 del 7.03.2001 e delle legge L. 47/1948.
© 2019 Murialdo Sicilia. All Rights Reserved.Development by G.M. e C.A.B.

Search