La poesia "U Vescuvu Marciante" è stata scritta dal

"maestro del legno" Roberto Giacchino ad aprile dello scorso anno, subito dopo l'insediamento del Vescovo mons. Giuseppe Marciante. "Quasi nessuno di noi, credo - dice Giacchino - lo conosceva; ma il viso solare di mons. Marciante fin dal primo momento ci ha dato speranza. Viviamo in una terra difficile, governata da tanti prepotenti, non mi riferisco solo ai politici ma principalmente ai mafiosi".

U Vescuvu Marciante

Giuseppe è lu so nomu
di un umili e santu omu
chi a lu Signuri fici di patri
e si sacrificò pi tutti nuvatri.

La genti l’acclamò e ci si misi ntunnu
e vinni di la capitali di lu munnu
mannatu di lu Santu Patri di la Chiesa
pi darici spiranza e na bona difesa.

Lu cori un sapemmu comu l’avi
ma nte la facci avi lu suli
e tutti aspittammu comu l’api
chi tra li juri fannu sulu meli.

Na terra di oru aggiacatata
ma di tanti priputenti guvirnata
campammu tutti di spiranza
e contru la gramigna sia na putenza.

Nta facci si ci leggi la spiranza
nto cori un sapemmu chi c’è dintra
chissa pi nuvatri è la terra prumissa
ma ci voli cu saggiamenti l’amministra.

Cu paroli duci comu u meli
ma anchi cu azioni e boni pensieri
di Iddu unn’aspittammu beni materiali
ma vulemmu paci nte lu cori.

Chissa è na terra di brava genti
suttamisa da sempri a priputenti
chi aspetta l’aiutu di Cristu
pi aggiustari chiddu guastu.

Chissu è un paisi di rispettu
le menti stannu zitti e raglia sulu u sceccu
a Iddu un ci manca pi capiri
chiddu chi è giustu fari.

Roberto Giacchino
18 aprile 2018