Patri Santu Bbinirittu

la turmenta è già passata
lu diavulu fu scunfittu
la sarvizza è arrivata
lu Figghiu ca jera mortu
è rritruvatu è rrisortu.

E' natu lu Santu jornu
vinciu' contru la morti
'na luci addumò lu munnu
e no cielu rapiù li porti
e tu filici e cuntenti
fai festa cu li ggenti.

Chiamati tutti i cristiani
la tavula è già cunzata
sunati tutti li campani
la festa è cuminciata
viniti a lavari li piccati
curriti tutti siti 'nvitati.

Lu Cristu suffriù pi nuatri
e pi tutti l'essiri viventi
p'amuri r'iddu e ddi lu Patri
cantamu cu l'ancili cuntenti
Osanna a lu Rredenturi
Osanna a Cristu Signuri.

Ca pi vuluntà ru Patri
si 'ncarnò no senu ri Maria
e p'amuri ri tutti nuatri
iddu fu Vita Virità e Via
Alleluja a Gesù Sabbaturi
e Ddiu Patri tuttu amuri.

Franco Catalano