Pi vuluntà ru Patri Ranni

d’essiri Patri ru Signuri
a ddistanza ri tant’anni
pi Maria pruvasti amuri

e pi cumpagna ri caminu
a idda ti vulievi maritari
pi ddari vita o to distinu
e patri ru Ddivinu ddivintari

ma saputu ca jera ‘ncinta
tu la vulevi rripudiari
ma la liggi era tinta
e nun la vulisti cunnannari.

Lu pinzeri ti turmintava
nun sapevi comu fari
lu duluri ti torturava
e sempri stavi a apinzari.

Ma na dda notti turmintata
vinni un ancilu Ddivinu
a spiegariti u misteru
di Maria e ddu Bbamminu.

“Nun temeri pi Maria
lu so senu è mmaculatu
lu figghiu ca ti porta
di lu Patri è criatu. 

Franco Catalano