Nà to casa senza parrari

ti nni stavi sularina
tutta ‘ntenta a rricamari
assittata nà cucina

e la vuci di l’Arcancilu
rrisunò forti e putenti
pi fariti r’ogni populu
rriggina di li ggenti.

“AVE O MARIA
CHINA RI GRAZIA
U SIGNURI
E’ CCU TIA’ “

Lu to cori si turbò
picchì ancora nun sapevi
puoi l’ancilu parrò
e cu l’anima già currievi

“SUGNU A SERBA
RU SIGNURI
OGNI GGH’J/ORNU
A TUTTI L’URI“

E lu Spiritu Ddivinu
mannatu di lu Patri
concepì lu Bbamminu
pa sarvizza ri nuatri.

Cu l’amuri ri ‘na matri
purtasti ‘nsenu lu Signuri
sutta u mantu di lu Patri
ogni ggh’jornu a tutti l’uri.

Franco Catalano