Cu tanta paci e tantu amuri

na lu cori fusti cuntenti
di fari u patri ru Signuri
o cuspettu ri tutti i ggenti

poi ca scusa ru censimentu
di Cesare Augustu ‘mperaturi
a città di Betlem no mumientu
si inchiù ri ggenti in pochi uri

puru Giuseppi cu Maria
partuti ri prima matinata
s’incamminaru pi la via
e arrivaru ’ntarda sirata.

A città era affuddata
un postu nun lu truvaru
e pi passari la nuttata
na ‘na stadda si rrifuggiaru.

Stanchi ru caminu ra jurnata
u partu nun vosi cchiù aspittari
e luntanu di la casa amata
retti vita o figghiu senza parrari.

Giuseppi mischineddu
nun sapeva ‘nzoccu fari
pi cummattiri lu friddu
tanti ligna jù a circari.

Franco Catalano